Dhanalakshmi Stotram | Free PDF Download
śrīdhanadā uvāca |
dēvī dēvamupāgamya nīlakaṇṭhaṁ mama priyam |
kr̥payā pārvatī prāha śaṅkaraṁ karuṇākaram || 1 ||
śrīdēvyuvāca |
brūhi vallabha sādhūnāṁ daridrāṇāṁ kuṭumbinām |
daridradalanōpāyamañjasaiva dhanapradam || 2 ||
śrīśiva uvāca |
pūjayan pārvatīvākyamidamāha mahēśvaraḥ |
ucitaṁ jagadambāsi tava bhūtānukampayā || 3 ||
sa sītaṁ sānujaṁ rāmaṁ sāñjanēyaṁ sahānugam |
praṇamya paramānandaṁ vakṣyē:’haṁ stōtramuttamam || 4 ||
dhanadaṁ śraddhadhānānāṁ sadyaḥ sulabhakārakam |
yōgakṣēmakaraṁ satyaṁ satyamēva vacō mama || 5 ||
paṭhantaḥ pāṭhayantō:’pi brāhmaṇairāstikōttamaiḥ |
dhanalābhō bhavēdāśu nāśamēti daridratā || 6 ||
bhūbhavāṁśabhavāṁ bhūtyai bhaktikalpalatāṁ śubhām |
prārthayēttāṁ yathākāmaṁ kāmadhēnusvarūpiṇīm || 7 ||
dhanadē dhanadē dēvi dānaśīlē dayākarē | [dharmadē]
tvaṁ prasīda mahēśāni yadarthaṁ prārthayāmyaham || 8 ||
dharā:’marapriyē puṇyē dhanyē dhanadapūjitē |
sudhanaṁ dhārmikē dēhi yajamānāya satvaram || 9 ||
ramyē rudrapriyē rūpē rāmarūpē ratipriyē |
śikhīsakhamanōmūrtē prasīda praṇatē mayi || 10 ||
āraktacaraṇāmbhōjē siddhisarvārthadāyikē |
divyāmbaradharē divyē divyamālyānuśōbhitē || 11 ||
samastaguṇasampannē sarvalakṣaṇalakṣitē |
śaraccandramukhē nīlē nīlanīrajalōcanē || 12 ||
cañcarīka camū cāru śrīhāra kuṭilālakē |
mattē bhagavatī mātaḥ kalakaṇṭharavāmr̥tē || 13 ||
hāsā:’valōkanairdivyairbhaktacintāpahārikē |
rūpa lāvaṇya tārūṇya kārūṇya guṇabhājanē || 14 ||
kvaṇatkaṅkaṇamañjīrē lasallīlākarāmbujē |
rudraprakāśitē tattvē dharmādhārē dharālayē || 15 ||
prayaccha yajamānāya dhanaṁ dharmaikasādhanam |
mātastvaṁ mē:’vilambēna diśasva jagadambikē || 16 ||
kr̥payā karuṇāgārē prārthitaṁ kuru mē śubhē |
vasudhē vasudhārūpē vasuvāsavavanditē || 17 ||
dhanadē yajamānāya varadē varadā bhava |
brahmaṇyairbrāhmaṇaiḥ pūjyē pārvatīśivaśaṅkarē || 18 ||
stōtraṁ daridratāvyādhiśamanaṁ sudhanapradam |
śrīkarē śaṅkarē śrīdē prasīda mayi kiṅkarē || 19 ||
pārvatīśaprasādēna surēśakiṅkarēritam |
śraddhayā yē paṭhiṣyanti pāṭhayiṣyanti bhaktitaḥ || 20 ||
sahasramayutaṁ lakṣaṁ dhanalābhō bhavēddhruvam |
dhanadāya namastubhyaṁ nidhipadmādhipāya ca |
bhavantu tvatprasādānmē dhanadhānyādisampadaḥ || 21 ||
iti śrī dhanalakṣmī stōtram |
Download PDF