Karthaveeryarjuna Stotram | Free PDF Download
smaraṇa –
arjunaḥ kr̥tavīryasya saptadvīpēśvarō:’bhavat |
dattātrēyāddharēraṁśāt prāptayōgamahāguṇaḥ ||
na nūnaṁ kārtavīryasya gatiṁ yāsyanti pārthivāḥ |
yajñadānatapōyōgaiḥ śrutavīryadayādibhiḥ ||
pañcāśītisahasrāṇi hyavyāhatabalaḥ samāḥ |
anaṣṭavittasmaraṇō bubhujē:’kṣayyaṣaḍvasu ||
dhyānam –
sahasrabāhuṁ mahitaṁ saśaraṁ sacāpaṁ
raktāmbaraṁ vividha raktakirīṭabhūṣam |
cōrādiduṣṭabhayanāśanamiṣṭadaṁ taṁ
dhyāyēnmahābalavijr̥mbhitakārtavīryam ||
mantraṁ –
ōṁ kārtavīryārjunō nāma rājā bāhusahasravān |
tasya saṁsmaraṇādēva hr̥taṁ naṣṭaṁ ca labhyatē ||
dvādaśanāmāni –
kārtavīryaḥ khaladvēṣī kr̥tavīryasutō balī | [sahasrākṣaḥ]
sahasrabāhuḥ śatrughnō raktavāsā dhanurdharaḥ || 2 ||
raktagandhō raktamālyō rājā smarturabhīṣṭadaḥ |
dvādaśaitāni nāmāni kārtavīryasya yaḥ paṭhēt || 3 ||
[ anaṣṭadravyatā tasya naṣṭasya punarāgamaḥ | ]
sampadastasya jāyantē janāstasya vaśaṁ gataḥ |
ānayatyāśu dūrasthaṁ kṣēmalābhayutaṁ priyam || 4 ||
yasya smaraṇamātrēṇa sarvaduḥkhakṣayō bhavēt |
yannāmāni mahāvīryaścārjunaḥ kr̥tavīryavān || 6 ||
haihayādhipatēḥ stōtraṁ sahasrāvr̥ttikāritam |
vāñcitārthapradaṁ nr̥̄ṇāṁ svarājyaṁ sukr̥taṁ yadi || 7 ||
iti kārtavīryārjuna stōtram |
Download PDF